وطنية - أكد رئيس كتلة "اللقاء الديمقراطي" النائب تيمور جنبلاط في حفل اعلان لائحة الشراكة والارادة عدم الاستسلام، وقال: "اليوم من بيت الدين، من الشوف، من الجبل...... عم نلتقي كرمال نجدد إيماننا بالوطن، الإيمان بالمصالحة، ايماننا بالدولة، وقناعتنا انو صوت العقل وحدو مطلوب بهالمرحلة بوجه العَبَثيين. عم نلتقي كرمال نكمل معركة السيادة ….
معركة تثبيت عروبة لبنان، وعلاقات لبنان الطبيعية مع الدول العربية، معركة قرارنا الوطني الحر والمستقل من دون أي هيمنة ! خارجية او داخلية…
مدرستنا، مدرسة نضال من اجل الحق...
ومعركتنا... معركة عدالة .... معركة كرامة وحياة ..... معركة حقوق الناس يلي سرقوها جماعة "ما خلّونا"
صحيح انو نحنا اليوم بأزمة عميقة… ويمكن جزء كبير منها بسبب تركيبة نظامنا السياسي. بس ما فينا نستسلم !!
بدنا نواجِها بإرادة واعية .... ومتل ما أثبتنا بكل المحطات التاريخية انو نحن قد المسؤولية... هيك رح نكفي ..... ورح نضغط كرمال تحقيق كل الاصلاحات ....
نضغط كرمال خطة التعافي الاقتصادي مع صندوق النقد..... و نشتغل كرمال نظام عادل للضرايب ..... و نحمي مؤسسات البلد وهوية البلد والحرية والتنوع والاستقرار .....
مش ناطرين الانتخابات لنحدد موقفنا ورؤيتنا للبنان .. مواقفنا واضحة من كل الملفات... من القضاء المستقل، والاصلاحات بالكهربا، بالبيئة، بالصحة، بتشجيع الانتاج، والحفاظ على بلدنا كمركز متقدم للطبابة والتعليم ...
....
منعرف التغيير ما بيصير بين يوم والتاني .... ومنعرف انو رح تكون الأمور اصعب بالمرحلة الجايي.. لهيك إيدنا ممدودة لكل شريك حقيقي حريص على الوطن.... نحن والشخصيات والقوى الأساسية اللي معنا على اللائحة من القوات والأحرار.
وبيبقى الدور الاساسي للمواطنين...
Abraham Lincoln Quote From the Gettysburg Address. "That this nation, under God, shall have a new birth of freedom - and that government of the people, by the people, for the people, shall not perish from the Earth."
بمعنى آخر ما في وطن من دون مواطن، وما في وطن الا الوطن العادل السيد الحر والمستقل … وما في استمرارية الا للناس وخيارات الناس يلي عم نسمعها ونسمع مطالبها كل يوم.
وخلونا نتذكر كلمات كمال جنبلاط: "مُسْتَقْبَلُنا مِنْ صُنْعِ أيدينا… وليس قَدَراً فُرِضَ عَلَيْنا من ظالم'.....".
============
